तुम्ही नवीन मराठी ब्लॉग सुरू केला असेल वा तुमचा जुना मराठी ब्लॉग मराठी ब्लॉग विश्वावरील शृंखलेमध्ये अजून समाविष्ट केला गेला नसेल तर तुम्ही "मराठी ब्लॉग विश्वाचे" चिन्ह आपल्या ब्लॉगवर चिकटवून तुमच्या ब्लॉगबद्दलची माहिती मराठी ब्लॉग विश्व संकेतस्थळाला पुरवू शकता. हे कसे करायचे याबद्दल माहिती येथे आहे.

तुमचा ब्लॉग मराठी ब्लॉग विश्वावर जोडण्याकरिता खालील अटी पाळण्याची आवश्यकता आहे.
१) तुम्ही सुचवलेल्या ब्लॉगमध्ये मराठी नोंदी असणे आवश्यक आहे. शक्यतो देवनागरी युनिकोड असल्यास चांगले. चित्रांच्या द्वारे प्रसिद्ध झालेल्या मराठी नोंदी मराठी ब्लॉग विश्वावर दिसणार नाहीत.
२) तुमच्या ब्लॉगवरील प्रकाशित देवनागरी मराठी नोंदीच येथील मुखपृष्ठावर दाखविले जाईल.
३) जर मराठी नोंद फारच लहान असेल (उदा. कवितेच्या दोन ओळी इ.) तर ती नोंद मराठी ब्लॉग विश्वाच्या मुखपृष्ठावर दिसणार नाही. येथील नोंदी संक्षिप्त रूपात दाखवून तुमच्या ब्लॉगवरील मूळ लिखाणाकडे येथील "पुढे वाचा" हा दुवा देण्याचा आमचा प्रयत्न असल्यामुळे तुमच्या फारच लहान असलेल्या नोंदीचे संक्षिप्त स्वरूप फक्त काही अक्षरांपुरतेच मर्यादित येत असल्यामुळे ही मर्यादा येथे वापरण्यात येते.
४) साहित्यचौर्य नको: मूळ ब्लॉगलेखकास श्रेय न देता व त्यांचा उल्लेखही न करता स्वतःच्या ब्लॉगवर त्यांचे जसेच्या तसे उतरवलेले लेखन प्रसिद्ध करणाऱ्या ब्लॉगकर्त्यांचे ब्लॉग मराठी ब्लॉग विश्वाच्या नीतीमध्ये बसत नाहीत. अशा ब्लॉगला मराठी ब्लॉग विश्वाच्या यादीत समाविष्ट केले जाणार नाही.