ती स्वप्नसुंदरी

सात खिडक्या पुरेशा मी झाकतो तरी
शिरते कशी कळेना ती स्वप्नसुंदरी

जोपासतो अशी ही, आम्ही समानत्ता
राधा,टिना,करीना बाजूस श्रीहरी

जोडे सजावटीला एसी-कपाट ते
भाजी-फ़ळास जागा, मात्र उघड्यावरी

मंगळ कह्यात आला, कक्षेत तारका
भैरू अजून खातो कांदा नि भाकरी

जिंकून मीच हरतो, ना जिंकतो कधी
तुमचा लवाद आहे, ...

गोचिडांची मौजमस्ती

चौखूर उधळे दाहीदिशा, गवसणी मग घालणार कशी
नसते नाकही या मनाला, वेसण तरी टोचणार कशी

खूप करती निश्चय-इरादे, मुक्त होण्यास जोखडातुनी
चूल-तव्याने बंधक केले, कंबर आता कसणार कशी

जग बदलले, नाणे बदलले, बदलले ते सारे शिरस्ते
नाणी रुप्याची राणीछाप, पण ती इथे चालणार कशी

उकर तू तुला हवे तेवढे, हव्या तितक्या लाथाही घाल

शुभहस्ते पुजा : अभंग
प्रथम पुजेला । लालदीवा मस्त ॥सत्ताधारी हस्त । कशाला रे ॥१॥
त्यांचे शुभ हस्त । कसे सांगा देवा ॥हरामाचा मेवा । चाखती ते ॥२॥
लबाड लंपट । तयांची जमात ॥माखलेले हात । रक्ताने गा ॥३॥
पाय तुझे कैसे । नाही विटाळले ॥मन किटाळले । ...

पंढरीचा राया
पंढरीच्या राया । प्रभु दीननाथा ॥टेकितो मी माथा । तुझे पायी ॥१॥
युगे किती उभा । एका विटेवरी ॥येवुनी बाहेरी । पहा जरा ॥२॥
बदलले जग । आणि माणसेही ॥तशा देवताही । बदलल्या ॥३॥
कनकाच्या भिंती । सोन्याचे कळस ॥

रानमेवा खाऊ चला....! (बालकविता)

या झरझर या, जरा भरभर या,
चला रानोमाळी भटकू चला
कुणी अंजीर घ्या, कुणी जांभुळ घ्या,
थोडा रानमेवा खाऊ चला ....॥१॥

(लाला, लरला, लरलल्लरलल्लर ला,
लरलल लरलल लरलल लरलल
लरलल्लरलल्लर ला)

ते उंच-उंच दिसते ते, ते फ़ळ ताडाचे आहे
झाडांच्या डोक्यावरूनी, सूर्याचे किरण ते पाहे
कुणी कळवंद खा, कुणी चिक्कु-पेरू खा,
पाणी नारळाचे पिऊया चला ....॥२॥

ते ...

घट अमृताचा

लपेटून चिंध्यात घट अमृताचा, न देखे कुणीही, शिवेना कुणी
लपेटून धोंड्यास शेंदूरवस्त्रे, अशी होय गर्दी, हटेना कुणी

किती वाटले छान हे गाव तेंव्हा, जरासा उडालो विमानातुनी
इथे मात्र मेले कुणीही दिसेना, तरी का तजेला दिसेना कुणी?

विषा प्राशणे सर्वथा गैर आहे, तया बोलती जन समजावुनी
परी कारणांचा जरा शोध घ्यावा, अशी सुज्ञता दाखवेना कुणी

अंगार चित्तवेधी

दे तू मनास माझ्या, आकार चित्तवेधी
नजरेत गुंतण्याचा, आजार चित्तवेधी

ती बोलली तरीही शब्दास नाद येतो
सारे गमपध रेसा, झंकार चित्तवेधी

नाहीच राग येतो, वाटे हवाहवासा
कानास पिरडणारा फ़टकार चित्तवेधी

आभाळ गाठण्याची वेलीस हौस ...

मी गेल्यावर ....?

मी गेल्यावर माझ्यासाठी कोण,कशाला गुण गाईन?
मी तरी जातांना कुणास काय देऊन जाईन?

जरी माझी कातडी जाड असेल गेंड्यासारखी
पण तीची चप्पल बनते ना खेटर
केसापासून ना वारवत,ना चर्‍हाट
ना उब देणारं स्वेटर.
मी कसा कुणाच्या चिरकाल स्मरणात राहीन?

हाडेही माझी कणखर आहेत खरी पण
आयुर्वेदात उपयोग शुन्य
मी मात्र मिरवत आलो
देहाचे लावण्य
स्वर्गवाले मजकडे ...

सत्ते तुझ्या चवीने

सत्ते तुझ्या चवीने नेते चळून गेले
कुरवाळती कुणाला, कोणा छळून गेले

सारे मिळून भेदू, हा व्यूह ते म्हणाले
लढतोय एकटाची, सारे पळून गेले

कित्येक चाळण्यांनी, स्वत्वास गाळले मी
उरलीय चित्तशुद्धी, हेवे गळून गेले

समजू नको मला तू विश्वासघातकी मी
पाऊल सरळ होते, रस्ते ...

सरींचा कहर

पावसाची सर
प्रेमाला बहर
पण गळतेया घर
गरीबाचे

सरींचा कहर
प्रेमाला बहर
पण फुटतोया नहर
धरणाचा

सरींचा कहर
प्रेमाला बहर
पण बुजलाय दर
उंदराचा

सरींचा कहर
प्रेमाला बहर